Obrolan Sunda #1

Si Otong jeung Si Ema

Ema:

Tong, tuh tingal si Asép. Leuwih ngora 2 taun ti otong, tapi ngajina geus pinter jiga budak gedé, geus rék khotam. Béda pisan jeung otong téh geuning.

Otong:

Ma, si Asép mah bisa pinter ngaji gé da sok diajaran unggal poé ku indung bapana ti leuleutik. Jadi pas di tajug tos tinggal ngalancarkeun waé. Ari ema jeung bapa ngarasa henteu sok ngajaran otong ngaji? Ema ngaji waé gé pan teu bisa. Bapa ngaji ngan malem Jumat waé, éta gé ngan sasurat. Tara ngajaran otong ngaji, hayang boga budak nu pinter ngaji. Aya-aya waé ema mah.

Sawah Cibeureum

Si Udin jeung Si Ujang: awéwé teu dicalana

“Keur naon manéh, Din?”

“Kadieu Jang, itu aya awéwé teu maké calana euy. Geulis pisan.”

“Tong bohong manéh. Mana?!”

“Itu tuh nu opatan.”

“Heueuh terus mana nu geulisna nu teu maké calana téh?”

“Nya itu nu tengah. Nu maké rok.”

“Koplok sia! Siga téh heueuh teu maké calana.”

“Nya heueuh teu maké calana, pan maké rok.”