Obrolan Sunda #2

Mégumi jeung Kaoru

Iyeu obrolan si Mégumi jeung si Kaoru di film kartun Rurouni Kénshin épisode 32, basa si Kénshin geus indit rék ngalawan si Shishio

“Mégumi, manéh moal pernah ngarti naon nu ku urang rasakeun basa Kang Kénshin nyarios ‘wilujeng indit moal balik-balik deui’ langsung di payuneun urang. Manéh moal pernah ngarti.”

“Manéh bener. Tapi urang ogé bisa ngomong nu sarua ka manéh. Manéh moal pernah ngarti naon nu ku urang rasakeun, da Kakang Kén malah teu ngomong ‘wilujeng indit moal balik-balik deui’ saeutik-eutik acan ka urang. Saencan manéh ngomong jiga nu ngarti sagalana, kendalikeun heula haté manéh.”

Si Udin jeung Si Ujang: babaturan sombong

“Jang, tadi urang panggih si Asép. Sombong pisan euy ayeuna mah éta budak.”

“Panggih di mana? Sombong kumaha kitu?”

“Di angkot. Éta budak cicing waé padahal nempo urang. Teu nyapa teu naon. Cicing waé.”

“Terus manéh nyapa si Asép teu?”

“Nya henteulah, rék naon nyapa. Si Asépna ogé cicing waé. Sombong ayeuna mah.”

“Nya berarti saruana éta mah atuh. Manéh ngomong si Asép sombong pédah teu nyapa, nya manéh ogé atuh sarua sombong da teu nyapa si Asép.”

“Maenya?”

“Nya tong langsung mikir nu goréng-goréng atuh. Bisi waé si Asép pangling kana beungeut manéh da geus lila teu panggih. Nya manéh lain nyapa tiheula. Mun manéh sarua cicingmah nya manéh ogé sombong atuh.”

“Heueuh nya. Pinter ogé manéh euy.”